யுத்தம் முடிவுக்கு வந்த பின்னர், சர்வதேச தரத்திற்கும் அனுபவத்திற்கும் அமைய ஆயுதங்கள் அப்புறப்படுத்தப்பட்டிருக்க வேண்டும் எனவும் அவர் கூறியுள்ளார்.
கொழும்பில் இன்று நடைபெற்ற ஊடகவியலாளர் சந்திப்பில் அவர் இதனை குறிப்பிட்டுள்ளார்.
போர் முடிந்து 6 வருடங்கள் கழிந்திருந்த நிலையிலும் முகாமில் இருந்த ஆயுதங்களை அப்புறப்படுத்த நடவடிக்கை எடுக்கவில்லை. இதனடிப்படையில், பொறுப்பை அவர்கள் புறந்தள்ளி உள்ளனர்.
எனினும் தற்போது ஆயுதங்களை அப்புறப்படுத்திக் கொண்டிருந்ததாக அவர்கள் கூறியுள்ளனர்.
ஆயுதங்களை அப்புறப்படுத்துவது போன்ற நடவடிக்கைகளை வெறுமனே செய்து விட முடியாது. ஆயுதங்களை அப்புறப்படுத்த தீர்மானித்திருந்தால், அதற்கான ஆவணங்களை வெளியிட வேண்டும்.
இதற்கு முன்னர் 2009ம் ஆண்டு வவுனியாவில் ஆயுத கிடங்கு ஒன்று வெடித்தது. 2014ம் ஆண்டிலும் அப்படியான சம்பவம் நடந்தது. அந்த காலத்தில் ஊடகங்கள் இந்த செய்திகளை வெளியிடவில்லை.
இந்த விடயம் தொடர்பில் அன்று உரிய நடவடிக்கைகளை எடுக்காதோர் தற்போது முதலைக் கண்ணீர் வடிக்கின்றனர் என அகில விராஜ் காரியவசம் கூறியுள்ளார்.
